Saturday, January 16, 2010

الشيخ سيد المخرف وتفسير الأحلام

فى الحقيقة أنا كنت ناسى الموضوع دا خالص ،لكن سبت مقال د. أحمد خالد توفيق وقررت اكتب الكلمتين دول عشان بصراحة تم استفزازى بسبب الشخص اللى اسمه : الشيخ سيد
ومعرفش ليه لما بسمع اسمه بفتكر الجملة اللى كنا بنقولها فى العيد زمان
هنعيد وندبح الشيخ سيد - بس للأسف مكنش موجود ساعتها عشان يتدبح

الخلاصة :
علماء الدين فهموا الشخص دا انه جاهل وأنه بيتاجر بموضوع تفسير الأحلام

انا ليا رأى بسيط جدا بعد قراءة كتاب تفسير الأحلام للعبقرى فرويد
الشيخ سيد دا بيقول انه بيفرس الأحلام على اساس دينى وبيجيب أدلة من السنة والقرآن
سؤال بقى : ايه علاقة الأحلام العادية اللى هيا فى مجملها -باستثناء رؤى نادرة - انعكاس لما يدور بداخلنا من صراع بين الأنا والأنا العليا

الباشا بيفسر اى حلم على أنه رؤيا ودا طبعا جهل

بما انى ذاكرتى ضعيفة هقول على الجزء اللى فاكره اللى سامعه من شوية لما كان بيرد على واحدة بنتها الصغيرة حلمت بقلم وساعة :

الساعة يا بنتى معناها ان الشخص دا زى الساعة!!!!!!!!!!!!!!!!!!!!!!!!!!!!!!!!!!! فعلا

اما القلم فمعناها انها هتخلف ولد لما تتجوز عشان القلم مذكر !!!  يا راجل

طبعا انا فى حِل من ذكر سبب شهرة الشخص دا وكلكم عارفين انه مشهور بأنه مفسر الملوك والمشاهير،وعشان تعرفوا انه راجل معفن فعلا وبخيل

انا شفته من كام شهر ومكانش راكب عربية ولا حتى نص عمر رغم انه بياخد فلوس محترمة وكفاية برنامج المحور العبيط دا

لاقيته يا حضرات راكب ميكروباص جنب الميكروباص اللى كنت راكبه والعربيتين جوا البنزينة بتفول
وساعتها يا عينى الناس مش واخدة بالها منه فحب يزعق عشان يستعجل السواق يمكن يسمعه اى حد ويطلع بزبون ما هى الايد البطالة نجسة

طبعا دا جزء من كل وفيه زيه بلاوى كتير
بس دا أجهلهم

معتقدش ان فى حد مختلف معايا

:)

1 comment:

MG said...

السلام عليكم،،
رأي دقيق عن "عم سيد" لن أقول "الشيخ سيد"

لا أعتقد أنه درس الأحلام من الجهة العلمية لها او النفسية،،
وربما من يساعده علي هذا المتصلون البسطاء المولعون ببهائه المصطنع،،
،
،
جميل البوست
دمت بود
تحياتي،،