"الرئيس شاذ جنسياً"

**تناقلت وكالات الأنباء الخبر الذى وقع على أبناء الوطن كالصاعقة..
صار على الجميع مواجهة الحقيقة التى تم اكتشافها الآن فقط...
من الممكن أن يحدث الأمر لأى شخص حتى أنت..نعم أنت!
لا تتعجب عزيزى القارئ ف"كلنا لها"..
والى تفاصيل الخبر :----

*-* صرح مصدر مسؤول فى الحكومة أنه ليس ثمة مؤامرة خارجية(كما جرت العادة)،بل هى حرية شخصية تنبع من إرادة حرة(أيوة يا أخى حرة)...
وأضاف المسؤول أن " انا سألته بس هوا قالى انا حر ،حاولت أضغط عليه عشان يعدل كلامه ،لكنه أصر،ملقتش قدامى -لأننا فى بلد ديمقراطى- أن أرضخ لإعلان الأمر(وأهى كلها ديمقراطية)
مسؤول آخر فى نفس الحكومة حاول توضيح الأمر فقال : " دار بينى وبينه الحوار التالى والحكم لكم :

-المسؤول: ايه اللى انت عملته دا؟ازا ى تقول كدة؟
=هو: أنا حر وأنت حر،أروح هناك آجى هنا ، انت مالك يا أخى
-المسؤول:طبعا انت حر واحنا فى بلد ديمقراطى،ياراجل دحنا فى أزهى عصور الديمقراطية..
=هو: تمام،انا بقى أحب الديمقراطية وأعزها أوى،عشان كدة خدت حريتى على الآخر واتمطعت
-المسؤول:ايوة بس مش شايف انك زودتها شوية؟
=هو:بالعكس،كان لازم الناس تعرف الحقيقة،انا مخبيش اى حاجة،انا معنديش أسرار وبابى مفتوح للناس كلها-مع انى معنديش باب -
-المسؤول:طب على الأقل طمن جمهورك-قصدى شعبك-وفهمهم سبب التصريح دا؟
=هو:عايز الصراحة؟الكبت ، بصراحة مقدرتش أكبت اللى جوايا اكتر من كدة!!
-المسؤول:كبت ايه بس ،وليه تكبت ،مش بنقول حرية؟
=هو:الحرية اللى عندنا موجودة بس لجوا مش لبرا عشان كدة فى كبت ودا السبب
-المسؤول: جواب نهائى؟
=هو:ان شاء الله
-المسؤول: لله الأمر من قبل ومن بعد :(
-----زغرودة طويلة من جميع افراد الأسرة الكريمة بعد تفريغ الكبت--------

**مشهد(1)وهوا واحد مفيش غيره/نهار خارجى عشان اللى هيتكلوا معندهمش بيت اساسا:-

*مواطن 1:شفت ابن الايه عمل ايه؟
**مواطن 2 :يا عم كل واحد حر!

*مواطن 1:ايوة بس مش للدرجة دى ،انت تقبلها على نفسك؟
**مواطن 2 :ايه يعنى مكلنا مكبوتين،ويمكن الموضوع ينتشر وكل واحد حسب مزاجه

*مواطن1:هيا دى أخرة التركيب...
**مواطن 2 :كل حاجة ممكن تتفك ،وصدقنى كله من الكبت...

*مواطن واحد : أيوة بس مش لدرجة ان (محروس)صاحب كشك السجاير يسمى ابنه(الرئيس شاذ جنسياً)