هل الهجوم على الإسلام يقنع المسلمون؟

كلمة ورد غطاها
انا بدخل اتفرج كتير على زكريا بطرس على اليوتيوب
وبقرأ كتير عن تشويه تاريخ مصر وعن ان العرب بهدلوا الدنيا وخربوها لما دخلوا مصر
وكل الكلام عن التحريف فى القرآن والتشكيك فى صحة نسب الرسول

كل دا عمل فيا ايه كمسلم؟
ولا حاجة،عشان دا ببساطة عامل زى مبدأ:

(خدوهم بالصوت) وهما بيعرفوا ياخدونا بالصوت حلو اوى
عشان يداروا اى نقاط ضعف عندهم
وعشان هما اقوى دلوقت
بيقدروا يمشوا كلمتهم بالبلدى كدة

احنا فى عصر ضعف وتخلف
وهوا دا السبب

اذا كان المسلمون قدروا يعملوا حضارة كاملة وهما مؤمنين وملتزيمن باسلامهم
اما اوربا المسيحية فعملت دا لما بعدت عن النصوص الدينية وسلطة الكنيسة

يبقى ايه بقى

احنا فى هبوط ،وللاسف اى مسيحى مصرى بيهاجم الاسلام والعرب وبيشوه فى تاريخ دخول العرب مصر نسى ان العرب دول
لو فعلا اجبروا الناس على الدخول ى الاسلام مكنش هيبقى فاضل ولا مسيحى واحد

المسيحى واليهودى عاشوا عصورا ذهبية فى ظل الاسلام ولكن المسلمون الأقوياء العارفين بدينهم ودنياهم هم خير من يفهم هذا الدين الشريف وسماحته

اما الآن فعندنا ما شاء الله فتاوى هبلة وكلام فاضى عن مؤامرة ونجمة داوود وقرف

وآخر موضة من بلاد الجهل :
نقاب بعين واحدة