Monday, September 10, 2007

عارفة؟

عارفة انتى ايه ؟
عارفة انتى مين ؟
انتى زى حمامة بيضا وقفت على شباكى فى يوم كنت بدور عليها بين أسراب الطيور ،
وبصوت واطى كنت بقول : " إنى اوعدك اذا جيتى احافظ عليكى " . وأديكى جيتى ، ولا متهيألى؟
لما قربت منك مخُفتيش منى ولا جريتى ولا طِرتى ، أنا مش همسكك ، أنا هخليكى بين كفوف الراحة ، لما قربت منك لاقيتك عارفة ، عارفة اللى جوايا واللى جيتى علشانه ، احنا لبعض ولا انا متهيألى؟
أوعدك بكل كلام الحب والغرام والحنان ، انك اذا كنتى ليا وهتخافى عليا وتطمنيلى ، هكون ليكى أحميكى واخاف عليكى . انا هديكى كل حبى بس تعالى ، علمينى اطير معاكى ، هاتى ايدك فى ايدى وخلينى افرد جناحاتى ، واطير فى الفضا العالى ، ولو سبت ايديكى متخافيش عشان هرجع امسكها تانى
يا ترى انتى حقيقة ولا لسة عايش فى أوهامى ؟ خايف من الآتى ، مش منك ، اوعى تخافى وانا معاكى ، انا هكون ليكى ، حواليكى ، وانتى هتكونى حياتى ، ههمس بإسمك ليلاتى .
انا قلبى لسة صغير عشان يطير ، بس كبير وهيشيلك جواه . انتى معايا ولا ؟
خايف تكونى ولا ! .
أنا راضى بس تعالى ، لو هتيجى تبقى معايا ، جوايا ، تبقى امالى واحلامى .
ولا انا لسة بألِّف أغانى ، لا ليها سميع ولا مغنواتى ، على نفسى بغنى ليلاتى وده مش عادى ، بس هوصل ، وأنا راضى بالمكتوب ، ولو أخطأت هتوب ، بس خلاص دبت فيكى وعن حبك مش هتوب ، لا متقوليش عادى ، لأنه مش عادى ، انا جيت فى ميعادى ولا ده تأخير؟ ، انا الأول ولا الأخير ، أنا مش عايز تبرير .
http://vb.masrya.com/showthread.php?t=65754
http://www.alorgwan.com/vb/showthread.php?t=3207
http://www.mehbara.com/vb/showthread.php?t=6024
http://www.shatharat.net/vb/showthread.php?t=5380
http://www.alzaker.com/vb/showthread.php?t=13836
http://www.tabluha.com/vb/showthread.php?t=4028
http://www.al-7oub.com/vb/showthread.php?t=10318

3 comments:

Ahmed said...

إممممممممممممممممم دى بقى
اسميها حب
بس كده خلاص

CHICO said...

السلام عليكم
مبروك ياحوده المدونة الجميلة دى

كلامك جميل وكله احساس

الى امام..
تحياتى

Mahmoud25x said...

شكرا يا شريف ، وكويس انك لسة فاكرنى ، سلملى على بسمة :)